اپنی جاندار اداکاری سے کم عمری میں شہرت پانے والی معروف اداکارہ عینا آصف کا کہنا ہے کہ لوگ ان سے گھر کا ایڈریس مانگتے رہتے ہیں۔
اے آر وائی ڈیجیٹل کے ڈرامے ’مائی رے‘سے شہرت کی بلندیوں پر پہنچنے والی کم عمر عینا نے انکشاف کیا کہ گزشتہ برس انھوں نے بڑی مشکل سے بہن سے آئی فون 14 پرو میکس کے پیسے لیے۔
ان کے اداکاری کے شعبے میں آنے کے بعد ان کی بڑی بہن کا رشتہ آیا، لوگ مجھ سے اکثر گھر کا پتا پوچھتے ہیں۔
نوعمر اداکارہ نے بتایا کہ چوں کہ 15 برس کی ہوں اس لیے ابھی نویں جماعت میں زیرتعلیم ہوں۔ میرے مالی معاملات بڑی بہن سنبھالتی ہیں، سارے پیسے ان کے نام آتے ہیں اور انھیں صرف خرچے کے پیسے ملتے ہیں۔
عینا آصف نے ایک پوڈکاسٹ میں انٹرویو دیتے ہوئے کہا کہ ابھی صرف 15 برس کی ہوں، 18 سال کی ہوجاؤں پھر شادی کے شادی کے بارے میں سوچنا شروع کروں گی۔
انھوں نے کہا کہ اگر ابھی سے ہی وہ لڑکوں کے بارے میں سوچنا شروع کریں گی تو ان کا کیریئر کون بنائے گا، ابھی تو ایسا وقت آنے میں بہت ٹائم پڑا ہے۔
اداکارہ نے اپنے ماں باپ کے حوالے سے گفتگو کرتے ہوئے کہا کہ والد کچھی میمن کمیونٹی سے تعلق رکھتے ہیں جب کہ والدہ کا تعلق پنجابی خاندان سے ہے۔ وہ گھر میں آئینے کے سامنے مختلف ڈراموں اور فلموں کے ڈائیلاگ بولا کرتی تھیں۔ بچپن سے ہی اداکاری کا شوق تھا۔
عینا نے بتایا کہ والد کی مادری زبان میمنی سے ناواقف ہیں۔ ان کے ددھیال کے اکثر لوگ امریکا میں مقیم ہیں جبکہ ننھیال والے یہاں ہونے کے سبب اکثر گھر آتے ہیں والد کی مادری زبان میمنی نہیں آتی، کیوں کہ ان کے ساتھ میمنی میں بات کرنے والا کوئی بھی قریبی شخص موجود نہیں۔
اداکارہ نے بتایا کہ وہ یونیورسٹی کی تعلیم مکمل کرنے کے بعد شادی کا سوچیں گی اور ان کی خواہش ہے کہ وہ پڑھ لکھ کر سائکالوجسٹ بنیں، کیوں کہ اداکاری پوری عمر روزگار نہیں دے سکتی۔
