ویسٹ انڈیز کے خطرناک آل راؤنڈر آندرے رسل کی انگلینڈ کے خلاف ٹی ٹوئنٹی اسکواڈ میں واپسی ہوئی ہے۔
ویسٹ انڈیز نے انگلینڈ کے خلاف پانچ ٹی ٹوئنٹی میچوں میں سے ابتدائی تین کے لیے 15 رکنی اسکواڈ کا اعلان کیا ہے جس میں آندرے رسل کو طویل غیرحاضری کے بعد واپس بلا لیا ہے۔
رسل کا ویسٹ انڈیز کی جرسی میں آخری میچ 2021 میں یو اے ای اور عمان میں ٹی ٹوئنٹی ورلڈکپ کے ابتدائی مرحلے میں تھا۔
وہ کرکٹ کے مختصر فارمیٹ میں ایک اسٹینڈ آؤٹ کھلاڑی کے طور پر بڑے پیمانے پر تسلیم کیے جاتے ہیں۔
انہوں نے ٹی ٹوئنٹی ٹورنامنٹس میں 167 کے اسٹرائیک ریٹ سے تقریباً 8000 رنز بنائے ہیں۔ اس کے علاوہ انہوں نے 400 سے زیادہ وکٹیں حاصل کیں۔
نئے بنائے گئے اسکواڈ میں رسل کے ساتھ میتھیو فورڈ ہیں، جنہوں نے حالیہ ڈومیسٹک T20 سیزن میں مسلسل کامیابی کے ساتھ ساتھ انگلینڈ کے خلاف حالیہ ون ڈے سیریز میں شاندار کارکردگی کا مظاہرہ کیا۔
بھارت کے خلاف پچھلی سیریز میں کامیابی کے باوجود جانسن چارلس، اوبیڈ میک کوئے، اوڈین اسمتھ اور اوشین تھامس کو انگلینڈ سیریز کے لیے ٹیم سے باہر رکھا گیا ہے۔
اسکواڈ کی تشکیل کے بارے میں، لیڈ سلیکٹر ڈیسمنڈ ہینس نے اظہار خیال کیا کہ یہ سیریز T20 ورلڈ کپ کی تیاری کا ایک مثالی موقع ہے جس کی ویسٹ انڈیز امریکہ کے ساتھ مل کر میزبانی کرے گا۔
ویسٹ انڈیز اسکواڈ: روومین پاول (کپتان)، شائی ہوپ (نائب کپتان)، روسٹن چیس، میتھیو فورڈ، شمرون ہیٹمائر، جیسن ہولڈر، اکیل ہوسین، الزاری جوزف، برینڈن کنگ، کائل میئرز، گڈاکیش موتی، نکولس پورن، آندرے رسل، روماریو شیفرڈ، ردرفورڈ
