کراچی: شہر قائد میں چور اب مہنگی گاڑیوں میں آ کر قربانی کے جانور چوری کرنے لگے ہیں، ایسی ایک واردات کی فوٹیج سوشل میڈیا پر وائرل ہو گئی ہے۔
تفصیلات کے مطابق کراچی کے علاقے فیڈرل بی ایریا، انچولی میں گزشتہ روز صبح سویرے جانور چوری کی واردات ہوئی ہے، کار میں آنے والا ایک چور 10 سیکنڈ میں قربانی کا جانور لے اڑا۔
واردات کی سی سی ٹی وی فوٹیج سوشل میڈیا پر وائرل ہوئی، جس میں کار سوار چوروں کو گلی کے کونے پر رکتے ہوئے دیکھا جا سکتا ہے، چور اتر کر گلی میں گیا اور گاڑی چل پڑی، دس سیکنڈ میں چور گائے کھول کر لے آیا۔
- Advertisement -
چور کو گاڑی کے پیچھے جاتے دیکھا جا سکتا ہے، چور گائے کو پیدل چلاتا ہوا گلی سے باہر لے گیا۔
