The news is by your side.

Advertisement

اے پی سی میں حکومت گرانے کا فیصلہ ہوا تو اس پر عمل ہوگا: شاہد خاقان عباسی

لاہور: سابق وزیر اعظم شاہد خاقان عباسی نے کہا ہے کہ آل پارٹیز کانفرنس میں اگر حکومت گرانے کا فیصلہ کیا گیا تو اس پر عمل ہوگا۔

تفصیلات کے مطابق میڈیا سے گفتگو کرتے ہوئے شاہد خاقان کا کہنا تھا کہ اے پی سی میں تمام آپشنز پر غور ہوگا، اگر حکومت گرانے کا فیصلہ ہوا تو اس پرعمل ہوگا۔

شاہد خاقان عباسی نے کہا کہ حکومت نا کام ہو چکی ہے، ایک سال نہیں ہوا اور ہر آدمی پریشان ہو گیا ہے، عوام کی مشکلات حل کرنے کے لیے آپس کے اختلاف دور رکھنے ہوں گے۔

ن لیگی رہنما کا کہنا تھا کہ آئین کے اندر رہ کر اقدماات کا فیصلہ کیا جائے گا۔ شاہد خاقان نے اے پی سی کی تاریخ کے سوال پر کہا کہ اس کی تاریخ مولانا فضل الرحمان نے طے کرنی ہے۔

خیال رہے کہ حکومت کے خلاف ملک کی دونوں بڑی سیاسی پارٹیوں، پاکستان پیپلز پارٹی اور مسلم لیگ ن نے عید کے بعد احتجاج شروع کرنے کا فیصلہ کیا ہے۔

یہ بھی پڑھیں:  مولانا فضل الرحمان نے اے پی سی چند دنوں کے لیے مؤخر کر دی

یاد رہے کہ مولانا فضل الرحمان نے گزشتہ برس اکتوبر میں بھی حکومت کے خلاف آل پارٹیز کانفرنس بلانے کی کوشش کی تھی لیکن دیگر جماعتوں کی طرف سے حامی بھرنے کے باوجود کچھ مسائل پر اختلاف کے باعث مولانا کو اے پی سی مؤخر کرنے کا فیصلہ کرنا پڑا تھا۔

جے یو آئی سربراہ کا کہنا تھا کہ مسلم لیگ ن نے اے پی سی سے متعلق تجاویز دی ہیں جن پر غور کیا گیا۔

Comments

comments

یہ بھی پڑھیں