کراچی: اے آر وائی ڈیجیٹل پر جلد ہی نشر ہونے والے ڈرامے ’جھوٹی‘ کا ٹیزر ریلیز کردیا گیا جس نے آتے ہی صارفین کی توجہ حاصل کرلی۔
ڈرامے میں اقرا عزیز حسین مرکزی کردار ادا کررہی ہیں جبکہ اس میں اُن کے حقیقی شوہر یاسر حسین کے علاوہ احمد علی بٹ بھی اداکاری کرتے نظر آئیں گے۔
’جھوٹی‘ ڈرامہ شادی شدہ خواتین پر ہونے والے گھریلو تشدد پر بنایا گیا ہے، یہی وجہ ہے کہ اس نے ریلیز ہوتے ہی شائقین کی توجہ حاصل کرلی البتہ ایک طبقے کی جانب سے ٹیزر پر سوالات بھی اٹھائے گئے۔
ریلیز ہونے والے ٹریزر کو دیکھ کر اس کی کہانی کچھ مختصر یوں سمجھ آئی کہ اس میں شادی شدہ وہ خواتین جن پر گھریلو تشدد کیا جاتا ہے اور انہیں آواز اٹھانے پر جھوٹی قرار دیا جاتا ہے کو دکھایا گیا ہے۔
Check out the first look of #Jhooti which will be coming soon only on #ARYDigital! #IqraAziz #YasirHussain #AhmedAliButt pic.twitter.com/ihaUREOQp8
— ARY Digital (@arydigitalasia) January 4, 2020
اقرا عزیز نے بھی اپنے سماجی رابطے کی ویب سائٹ پر ڈرامے کے ٹیزر شیئر کیے جن میں سے ایک میں دیکھا جاسکتا ہے کہ اقرا عزیز اور احمد علی بٹ کی شادی کا معاملہ طے ہوگیا ہے۔ اسی طرح دوسری ویڈیو میں اداکارہ کو گھریلو تشدد کا ڈرامہ رچاتے ہوئے دکھایا گیا۔
’جھوٹی‘ کو اے آر وائی ڈیجیٹل پر جلد ہی ریلیز کیا جائے گا، جس میں اقرا عزیز اور احمد بٹ کے علاوہ یاسر حسین بھی دکھائی دیں گے۔ ڈرامے کی ہدایات کاری کے فرائض سید رامشی رضوی نے ادا کیے جبکہ عبداللہ سیجا نے پروڈکشن کے امور انجام دیے۔
The much-anticipated drama #Jhooti will be coming soon only on #ARYDigital! Are you guys excited? #IqraAziz #YasirHussain #AhmedAliButt @iiqraziz @ahmedalibutt pic.twitter.com/NAcM6p35C9
— ARY Digital (@arydigitalasia) January 4, 2020
