سابق صدر اور پاکستان پیپلز پارٹی کے شریک چیئرمین آصف علی زرداری کا دبئی میں آنکھ کا کامیاب آپریشن ہوگیا۔
آصف علی زرداری کے ترجمان نے سماجی رابطے کی ویب سائٹ ٹوئٹر پر جاری اپنے بیان میں بتایا کہ سابق صدر کی آنکھ کا آپریشن کامیاب رہا، عوام کی دعاؤں سے وہ مکمل صحتیاب ہیں، آصف علی زرداری اس وقت دبئی میں ہیں۔
الحمد اللہ صدر آصف علی زرداری کی آنکھ کا آپریشن کامیاب رہا، ترجمان
عوام کی دعاوں سے صدر آصف علی زرداری مکمل صحت یاب ہیں، ترجمان
سابق صدر آصف علی زرداری اس وقت دبئی میں ہیں، ترجمان
— PPP (@MediaCellPPP) June 16, 2023
چند روز قبل میڈیا میں یہ خبر سامنے آئی تھی کہ آصف علی زرداری کی دونوں آنکھوں میں سفید موتیا ہے اور وہ 13 روز لاہور میں قیام کے بعد دبئی روانہ ہوں گے جہاں ان کی آنکھ کا آپریشن ہوگا۔
میڈیا رپورٹس کے مطابق سابق صدر عید الاضحیٰ کے بعد دوبارہ لاہور کا دورہ کریں گے۔