ماہرین فلکیات نے عیدالاضحیٰ 2024 کی ممکنہ تاریخ سے پیش گوئی کردی تاہم ذوالحجہ کا چاند نظر آنے کے بعد ہی عید الاضحیٰ کی تاریخ کا اعلان کیا جائے گا۔
عیدالاضحی اور عید الفطر کے درمیان دو مہینے سے کچھ زیادہ دن کا فرق ہوتا ہے، جس کی وجہ سے عید الفطر کے بعد جہاں لاکھوں مسلمان حج کی تیاری کررہے ہوتے ہیں وہیں عید الاضحی کا انتظار شروع ہوجاتا ہے۔
ماہرین فلکیات نے عیدالاضحیٰ 2024 کی ممکنہ تاریخ سے پیش گوئی کردی ، تاہم تاریخ دنیا کے مختلف حصوں میں چاند نظر آنے کے لحاظ سے مختلف ہو سکتی ہے۔
مصر میں وزارت اعلیٰ تعلیم اور سائنسی تحقیق کے قومی ادارہ برائے فلکیاتی اور جیو فزیکل ریسرچ نے فلکیاتی حسابات سے بتایا کہ دنیا کے بیشتر حصوں میں عیدالاضحیٰ 16 جون 2024 کو منائے جانے کا امکان ہے جب کہ وقوف عرفہ 15 جون کو ہوگا۔
انسٹی ٹیوٹ کی طرف سے جاری کردہ ایک رپورٹ میں بتایا گیا ذی الحج کے مہینے کا آغاز جمعہ 7 جون 2024 کو ہوگا تاہم حتمی رائے سعودی عرب کی طرف سے عید کی تاریخ کا تعین کرنے کے بعد ہی قائم کی جا سکے گی۔
پاکستان میں چاند دیکھنے والی مرکزی رویت ہلال کمیٹی ذوالحجہ کا چاند نظر آنے کے بعد عید الاضحیٰ کی تاریخ کا اعلان کرے گا۔
خیال رہے عید الاضحی اسلام میں منائے جانے والے دو اہم تہواروں میں سے دوسرا ہے، اسلامی روایت کے مطابق عید الاضحی حضرت ابراہیم (ع) کی اپنے بیٹے کو خدا کے حکم کی تعمیل کے طور پر قربان کرنے کی رضامندی کا احترام کرتی ہے۔
