بھارت میں جشن آزادی کی رات اوباش نوجوانوں نے نوعمر لڑکی کو اغوا کرکے زیادتی کی کوشش کی جنہیں پولیس نے گرفتار کر لیا ہے۔
بھارت کا جشن آزادی وہاں کے نچلے طبقے کے لیے بڑی مصیبت بن کر آیا جہاں کئی شرمناک واقعات رونما ہوئے ایسا ہی ایک واقعہ جونپور میں پیش آیا جہاں 14 اور 15 اگست کی درمیانی شب جب ملک کے مختلف حصوں میں آزادی کا جشن منانا شروع ہوچکا تھا تو چند اوباش نوجوان کمسن لڑکی کو اغوا کرکے اس کی عزت سے کھیلنے کی کوشش کر رہے تھے۔
غیر ملکی میڈیا کے مطابق اتر پردیش کے جونپور ضلع کے گاؤں رسول پور میں اوباش نوجوانوں نے کمسن لڑکی کو نصف شب اغوا کرکے کھیت میں لے گئے اور پھر اس سے مبینہ زیادتی کی کوشش کی تاہم بچی کے شور مچانے پر شیطان صفت درندے نما انسان فرار ہوگئے تاہم اس واقعے کی شرمناک ویڈیو سوشل میڈیا پر شیئر کر دی۔
مذکورہ واقعے کی ویڈیو سوشل میڈیا پر بھی وائرل ہوگئی جس پر بھارت بھر میں طوفان مچ گیا اور صارفین نے واقعے پر شدید غم وغصے کا اظہار کرتے ہوئے ملزمان کو کیفر کردار تک پہنچانے کا مطالبہ کیا۔
ویڈیو میں دیکھا جا سکتا ہے کہ 6 افراد پر مشتمل اوباش نوجوانوں کا ایک گروہ نصف شب کے وقت کمسن لڑکی کو اغوا کرکے کھیت میں لے جاتا ہے اور اس سے زیادتی کی کوشش کرتا ہے ایسے میں لڑکی خود کو ان کے حملوں سے بچانے اور دور رکھنے کی کوشش کرتی ہے۔
जौनपुर के मछली शहर थाना क्षेत्र के रसूलपुर गांव में नाबालिग किशोरी को घर से उठाकर दुष्कर्म करने की कोशिश की गई। किशोरी के शोर मचाने पर दबंग युवक मौके से फरार हो गए। #Crime @Uppolice pic.twitter.com/PUhP0sH0qZ
— Punjab Kesari-UP/UK (@UPkesari) August 16, 2023
حیوانیت پر آمادہ دیکھ کر لڑکی اپنے دفاع کے لیے چیخ وپکار شروع کر دیتی ہے جس کے باعث تمام افراد وہاں سے فرار ہو جاتے ہیں۔
متاثرہ لڑکی کی والدہ نے پولیس میں اس واقعے کی رپورٹ درج کرائی جس میں کہا گیا ہے کہ ملزمان ان کی نوعمر بیٹی کو اس وقت بے ہوش کر کے اپنے ساتھ لے گئے جب پورا گھرانہ برآمدے پر سو رہا تھا۔
थाना मछलीशहर अंतर्गत ग्राम रसूलपुर में घटित घटना के संबंध में अपर पुलिस अधीक्षक ग्रामीण की बाइट। pic.twitter.com/acGLUjCPdz
— Jaunpur police (@jaunpurpolice) August 16, 2023
خاتون کی شکایت کا حوالہ دیتے ہوئے ایک سینئر افسر نے بتایا کہ شکایت کنندہ اپنے شوہر اور بیٹی کے ساتھ 14 اگست کی رات گھر کے برآمدے میں سو رہی تھی کہ چھ نوجوان جن سے ان کی پرانی دشمنی تھی، آئے اور بیٹی کو بے ہوش کرکے لے گئے
اے ایس پی (دیہی) شیلیندر سنگھ کے مطابق لڑکی کی والدہ نے بتایا کہ اوباش نوجوان اس کی بیٹی کو قریبی کھیتوں میں بے ہوش کرکے لے گئے تھے جہاں اس سے عصمت دری کی کوشش کی تاہم اس کی چیخ وپکار پر جب گھر والے وہاں پہنچے تو ملزمان فرار ہوگئے۔
ماں کا یہ بھی کہنا ہے کہ پہلے انہوں نے شرمندگی کے باعث پولیس میں رپورٹ نہیں کرائی لیکن جب ملزمان نے خود ہی واقعے کی ویڈیو سوشل میڈیا پر وائرل کی تو 6 افراد آشیش، وکی، گور، پرمود، پپو اور سیشمانی کے خلاف مقدمہ درج کیا گیا۔
जौनपुर में युवती से हैवानियत करने वाले सभी 6 जल्लाद गिरफ्तार. pic.twitter.com/8EoCDA7bva
— Utkarsh Singh (@UtkarshSingh_) August 17, 2023
سوشل میڈیا پر گردش کرنے والی ایک اور ویڈیو میں دکھایا گیا ہے کہ دو ملزمان کو کچھ زخمی ہونے کے بعد پولیس اہلکار لے جا رہے ہیں۔
پولیس سپرنٹنڈنٹ اجے پال شرما نے کہا کہ اس معاملے میں پانچ ملزمان کو بدھ کو گرفتار کیا گیا تھا جبکہ چھٹے کو پکڑنے کی کوششیں جاری ہیں۔
