ماسٹر کلاس بابراعظم نے پاکستان سپر لیگ میں بڑا ریکارڈ بنا دیا۔
رنز کی مشین بابراعظم نے پی ایس ایل میں 3 ہزار رنز مکمل کر لیے۔ انہوں نے اتوار کو لاہور کے قذافی اسٹیڈیم میں کھیلے گئے ایونٹ کے اپنے پہلے میچ کوئٹہ گلیڈی ایٹرز کیخلاف یہ سنگ میل عبور کیا۔
بابراعظم پی ایس ایل میں 3ہزار رنز بنانے والے پہلے بیٹر بن گئے ہیں۔
- Advertisement -
دائیں ہاتھ کے بلے باز نے 207 رنز ہدف کے تعاقب میں شاندار بیٹنگ کرتے ہوئے 42 گیندوں پر 68 رنز کی جارحانہ اننگز کھیلی جس میں 4 چوکے اور 4 چھکے شامل تھے۔
انہوں نے نوجوان بیٹر صائم ایوب کے ساتھ مل کر ٹیم کو بڑے ہدف کے جواب میں 91 رنز کا اوپننگ اسٹینڈ فراہم کیا۔
