لارڈز ٹیسٹ میچ کے آخری روز جونی بیرسٹو کا متنازع رن آؤٹ انگلینڈ اور آسٹریلیا کا سفارتی تنازع بن گیا۔
ایشیز سیریز میں آسٹریلیا کو انگلینڈ کے خلاف 2-0 کی برتری حاصل ہے، لارڈز ٹیسٹ میچ تنازع اس وقت شروع ہوا جب آخری روز جونی بیرسٹو بیٹنگ کے دوران گیند مس ہونے پر کریز پر پاؤں رکھ کر آگے بڑھ گئے لیکن کیپر الیکس کیری نے انہیں رن آؤٹ کردیا۔
فیلڈ امپائر نے فیصلہ تھرڈ امپائر کو دیا جس کے بعد تھرڈ امپائر نے بیرسٹو کو رن آؤٹ قرار دیا۔
🤐🤐🤐#EnglandCricket | #Ashes pic.twitter.com/dDGCnj4qNm
— England Cricket (@englandcricket) July 2, 2023
بیرسٹو کو اس طرح آؤٹ کرنے پر انگلیںڈ کے کراؤڈ نے بھی آسٹریلوی کرکٹرز کے خلاف نعرے بازی کی اور ایم سی سی کے ممبران بھی عثمان خواجہ، ڈیوڈ وارنر سے الجھ پڑے۔
بعدازاں انگلش کپتان بین اسٹوکس نے کہا کہ اگر میں ہوتا تو یہ اپیل واپس لے لیتا، دوسری جانب آسٹریلوی کپتان پیٹ کمنز نے کہا کہ الیکس کیری نے فیئر پلے کھیلا ہے۔
تاہم متنازع آؤٹ پر گزشتہ روز برطانوی وزیراعظم رشی سونک نے آسٹریلیا پر کھیل کی روح کے منافی ہونے کا الزام عائد کیا۔
برطانوی وزیراعظم کے بعد آسٹریلوی وزیراعظم ایم اینتوھی ایلبا نیز بھی اس معاملے پر بول پڑے اور اپنی ٹیم کو ٹوئٹ کرکے مبارک باد پیش کی اور لکھا کہ ہمیشہ جیتنے والے آسٹریلین۔
I’m proud of our men’s and women’s cricket teams, who have both won their opening two #Ashes matches against England.
Same old Aussies – always winning!
Australia is right behind @ahealy77, @patcummins30 and their teams and look forward to welcoming them home victorious 👏
— Anthony Albanese (@AlboMP) July 3, 2023