سابق بھارتی آف اسپنر ہربھجن سنگھ نے پانچ ٹیسٹ میچز کی سیریز سے قبل انگلینڈ کرکٹ ٹیم کو خبردار کردیا۔
بھارتی کرکٹ ٹیم کے سابق رکن کا انگلینڈ کی ٹیم کو مخاطب کرتے ہوئے کہنا تھا کہ یہاں ’باز بال‘ کرکٹ نہیں چلے گی۔ یہاں انگلینڈ کے لیے کندیشنز کافی مشکل ہونے جارہی ہیں۔ ان پچز پر پہلے دن سے ہی گیند ٹرن لینا شروع کردیگی۔
انھوں نے کہا کہ اگر آپ کے پاس اچھے اسپنرز ہونگے تو وہ ان پچز پر وکٹ حاصل کریں گے۔ اس طرح کی وکٹوں پر دونوں سائیڈز کے لیے ٹاس کافی اہمیت کی حامل ہوتی ہے۔
ہربھجن سنگھ نے کہا کہ مجھے نہیں لگتا کہ ان پچز پر انگلینڈ کی ٹیم کے لیے بہت زیادہ مواقع موجود ہونگے ہاں اگر پچ پر اسپنرز کے لیے مدد نہ ہو تو دوسری بات ہے۔
واضح رہے کہ بھارت اور انگلینڈ کے درمیان پانچ ٹیسٹ میچز کی سیریز کا آغاز 25 جنوری سے ہورہا ہے۔ بین اسٹوکس کی قیادت میں اس بار انگلش ٹیم بھرپور تیاری سے بھارت آئی ہے۔
