The news is by your side.

Advertisement

امریکی ریاست فلوریڈا کی مصروف سڑک پر دیوہیکل مگرمچھ ، پولیس حرکت میں آگئی

فلوریڈا: امریکی ریاست فلوریڈا کی مصروف سڑک پر دیوہیکل مگرمچھ نے ہلچل مچادی، جس کی لمبائی لگ بھگ 10 فٹ ہے، جس کے بعد پولیس حرکت میں آگئی۔

تفصیلات کے مطابق خطرناک مگرمچھ کی موجودگی کے احساس سے ہی انسان پر خوف طاری ہوجاتا ہے، امریکی ریاست فلوریڈا کی سڑک پر دلچسپ منظر دیکھنے کو ملا جب ایک مگر مچھ مصروف سڑک پر آزادی سے گھومتا دکھائی دیا،جس کے باعث ٹریفک کی روانی کچھ دیر کیلئے معطل رہی۔

اطلاع ملتے ہی پولیس حرکت میں آگئی اور دیوہیکل مگرمچھ کو سڑک سے ہٹادیا گیا۔

فلوریڈا کے کولیئر نامی قصبے کے پولیس آفس نے سماجی رابطے کی ویب سائٹ فیس بک پر تصاویر شیئر کرتے ہوئے کہا کہ ہفتے کی رات ہم نے وائلڈ لائف اہلکاروں کے ساتھ مل کر 10 فٹ لمبا مگر مچھ پکڑا، جس کا وزن تقریباََ 350 پاؤنڈ سے زائد تھا۔

پولیس آفس نے مزید کہا کہ دیوہیکل مگرمچھ کو بغیر کسی نقصان کے سڑک سے ہٹا دیا۔

یاد رہے گذشتہ ماہ فلوریڈا میں ہی ایک فارم میں 780 پاؤنڈوزنی دیوہیکل مگرمچھ مارگرایا گیا، مگرمچھ اتنا بڑا تھا کہ اس کی لمبائی ناپنے کے لیے ٹریکٹر بھی کم پڑگیا تھا۔

فارم مالکان کی ویب سائٹ کے مطابق 13 فٹ اوراس سے بڑا مگرمچھ مارنے کی قیمت 550 سے دس ہزار ڈالر کے لگ بھگ تھا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں