اسلام آباد : برطانوی ہائی کمیشن نے برطانیہ میں تعلیم حاصل کرنے کے خواہشمند پاکستانی طلبا کو جلد ویزے کے لیے اپلائی کرنے کی ہدایت کردی۔
تفصیلات کے مطابق پاکستان میں برطانوی ہائی کمیشن کی جانب سے برطانیہ میں تعلیم حاصل کرنے کے خواہشمند طلبا کو ہدایت کی ہے کہ وہ رش سے بچنے اور ستمبر میں کورس کے آغاز سے قبل ہی ویزہ آن لائن درخواست دیں۔
برطانوی ہائی کمیشن کا کہنا تھا کہ یوکے ویزا اینڈ امیگریشن سروس کواس سال موسم گرما میں اسٹوڈنٹ ویزے کی درخواستیں زیادہ ہونے کی توقع ہے۔
برطانوی ہائی کمیشن نے طلبہ کو یہ بھی مشورہ دیا کہ وہ اپنی ویزا درخواستوں کو صحیح طریقے سے پُر کرنے میں احتیاط سے کام لیں اور دو بار چیک کریں کہ تمام ضروری معلومات اور دستاویزات فراہم کر دی گئی ہے۔
ہائی کمیشن کا کہنا تھا کہ کوئی درخواست غلط یا نامکمل ہونے کی صورت میں ویزا کی درخواستوں کا جائزہ لینے میں زیادہ وقت لگ سکتا ہے۔
