اسلام آباد : وزارت تعلیم نے کابینہ سے 227 ڈیلی ویجز ملازمین کی ریگولارایزیشن کی منظوری لے لی، وفاقی وزیر نے کہا جن ملازمین نے ایف پی ایس سی کا ٹیسٹ پاس کیا ان کو ریگولارائز کیا جا رہا ہے۔
تفصیلات کے مطابق وفاقی وزارت تعلیم کا فیڈرل ڈائریکٹوریٹ آف ایجوکیشن کے ڈیلی ویجز ملازمین کے لیے بڑا اقدام سامنے آیا۔
وزارت تعلیم نے آج کابینہ سے 227 ڈیلی ویجز ملازمین کی ریگولارایزیشن کی منظوری لے لی، وفاقی وزیر تعلیم مدد علی سندھی نے بتایا کہ جن ڈیلی ویجز نے ایف پی ایس سی کا ٹیسٹ پاس کیا ہے ان کو ریگولارائز کیا جا رہا ہے۔
مدد علی سندھی کا کہنا تھا کہ فائننس ڈیویژن نے ان کہ لئے پوسٹس کی منظوری دے دی ہے، ہماری پوری کوشش ہے کہ تعلیم کہ مسائل فوری حل کئے جائیں ۔
انھوں نے کہا کہ ایسے مسائل جو سالوں سے چل رہے ہیں ہم انشااللہ فوری حل کریں گے، ہمیں اپنے اساتذہ کا اور طالب علموں کابالخصوص خیال کرنا ہے، یہ ہماری قوم کاُمستقبل ہیں ۔