اسلام آباد : نگراں وزیراعظم انوارالحق کاکڑ آج کراچی پہنچ رہے ہیں ، جہاں وہ نگراں وزیراعلیٰ سندھ ، گورنر سندھ کامران ٹیسوری اور ایم کیو ایم کی وفد سے ملاقات کریں گے۔
تفصیلات کے مطابق نگراں وزیر اعظم انوار الحق کاکڑ آج کراچی کا دورہ کریں گے، جہاں وہ مزار قائد پر حاضری دیں گے۔
دورے کے دوران نگراں وزیراعظم نگراں وزیراعلیٰ سندھ مقبول باقر سے ملاقات کریں گے ، ملاقات میں صوبے کے ترقیاتی کاموں کا جائزہ لیا جائے گا۔
انوارالحق کاکڑ گورنر سندھ کامران ٹیسوری سے بھی ملاقات کریں گے جبکہ تاجرو سمیت اہم سیاسی رہنماؤں سے بھی ملاقات متوقع ہے۔
نگراں وزیر اعظم سے ایم کیو ایم پاکستان کی وفد کی ملاقات بھی طے ہیں، ذرائع کے مطابق ایم کیوایم پاکستان کا وفد فاروق ستار کی قیادت میں انوار الحق کاکڑ سے ملے گا، ملاقات میں فیصل سبزواری اور امین الحق بھی شریک ہوں گے۔
ملاقات میں آئندہ انتخابات اور ملک کی سیاسی صورتحال پر بات ہوگی۔
