لاہور: انسداد دہشت گردی عدالت نے چیئرمین پاکستان تحریک انصاف اور دیگر رہنماؤں کے ناقابل ضمانت وارنٹ جاری کردیے۔
تفصیلات کے مطابق اے ٹی سی نے چیئرمین پی ٹی آئی، میاں اسلم اقبال اور حماد اظہر سمیت دیگر کے نا قابل ضمانت وارنٹ گرفتاری جاری کر دیے۔
عدالت نے کلمہ چوک کنٹینر جلانے، ن لیگ ماڈل ٹاؤن دفتر پر حملے کے الزام میں وارنٹ جاری کیے
حماد اظہر، اسلم اقبال، مراد سعید، جمشید اقبال چیمہ، مسرت چیمہ، حسان نیازی کے بھی ناقابل وارنٹ جاری کیے گئے ہیں۔
- Advertisement -
قبل ازیں ڈسٹرکٹ اینڈ سیشن کورٹ اسلام آباد میں پی ٹی آئی کے وائس چیئرمین شاہ محمود قریشی، اسد قیصر اور اسد عمر کے خلاف تھانہ ترنول میں درج مقدمے میں ضمانتوں کی درخواستیں خارج کر دی ہیں، تینوں رہنما درخواست ضمانتیں خارج ہونے کے بعد کچہری سے روانہ ہوگئے۔
