کراچی: کراچی کے سرکاری اسکولوں میں زیر تعلیم افغان طالبعلموں کی تفصیلات سامنے آگئیں، مختلف اسکولوں 121 غیر قانونی افغانی طالبعلم زیر تعلیم ہیں۔
تفصیلات کے مطابق کراچی کے سرکاری اسکولوں میں زیر تعلیم افغان طالبعلموں کا ڈیٹا جمع کر لیا گیا، ڈائریکٹراسکول یارمحمد بالادی نے بتایا کہ 121 غیر قانونی افغانی طالبعلم شہر کے مختلف اسکولوں زیر تعلیم ہیں۔
یارمحمد بالادی کا کہنا تھا کہ جس میں سے 55 افغان طالبعلم ساؤتھ،24کورنگی ، 15افغان طالبعلم سینٹرل ،ویسٹ14، ملیر 7، کیماڑی 4 اور ایسٹ میں 2طالبعلم زیرتعلیم ہیں۔
انھوں نے بتایا کہ 121 میں سے 71 طالبات اسکولوں میں زیرتعلیم ہیں ، ڈسٹرکٹ ایجوکیشن افسران کوڈیٹا جمع کرنےکےاحکامات جاری کیے گئے تھے۔
ڈائریکٹر اسکولز سندھ کے مطابق سرکار ی اسکولوں میں زیر تعلیم غیر ملکی طلبہ کی یہ فہرست سندھ حکومت کو ارسال کی جائے گی۔
