راجستھان:بھارتی ریاست راجستھان میں دو نوجوان غیر قانونی طریقے سے کان کنی کر رہے تھے،لیکن اچانک مٹی کے کھسکنے سے دونوں مٹی میں دب کر ہلاک ہوگئے۔
تفصیلات کے مطابق بھارتی ریاست راجستھان کے علاقے کشن گنج میں غیر قانونی طریقے سے ریت اور مٹی کھودنے والے دو نوجوانوں کی مٹی میں دبنے سے موت واقع ہوگئی۔
پولیس کا کہنا ہے کہ مرنے والے 20 سالہ سریش اور 18 سالہ رام جی لالا کا تعلق دولت پور سے ہے۔
پولیس حکام نے بتایا کہ زمین میں 7 فٹ تک مٹی اور اس کے بعد ریت نکلتی ہے ایسے میں لوگ ریت کو نکالنے کے لیے پہلے مٹی کو ہٹاتے ہیں، جس کی وجہ سے سرنگ نما ایک جگہ بن جاتی ہے،سریش اور رام جی لالا نے ایسے ہی مٹی کھودنا شروع کی تھی، کھدائی کے دوران ایک شخص باہر بیٹھا تھا اور ایک کھدائی کر رہا تھا، اس دران اچانک مٹی کھسکنے سے دونوں مٹی میں دب گئے۔
پولیس نے واقعے کا مقدمہ درج کر کے تفتیش شروع کر دی ہے اور اس یہ پتہ کرنے کی کوشش کر رہی ہے کہ یہ دونوں کسی دیگر ٹریکٹر ڈرائیور کے ساتھ مزدوری کرنے گئے تھے یا خود ہی مٹی اور ریٹ کی غیرقانونی کان کنی کر رہے تھے۔
