کراچی : بیرون ملک سے ڈی پورٹ کیے جانے والوں سمیت کراچی ایئرپورٹ پر روکے گئے دیگر مسافروں کی حراست سے متعلق اہم فیصلہ کیا گیا ہے۔
دونوں اقسام سے متعلقہ مسافر اور ڈی پورٹ افراد کو 24 گھنٹے سے زیادہ ایف آئی اے امیگریشن کی تحویل میں نہیں رکھا جائے گا
کراچی سے باہر کی پولیس کو مطلوب افراد کو 24 گھنٹے میں متعلقہ ملزم کی کسٹڈی لینا لازم قرار دیا گیا ہے۔
کسٹڈی نہ لینے کی صورت میں ایف آئی اےان ملزمان کو 24 گھنٹے بعد ایئرپورٹ پولیس کے سپرد کرے گی۔
کراچی سے باہر کی پولیس کو مطلوب مختلف ملزمان کو کراچی ایئر پورٹ پولیس کے حوالے کیا جائے گا۔
ایئرپورٹ پولیس سیکرٹری داخلہ کے ذریعے ملزمان کو متعلقہ پولیس کے حوالے کرنے کی کارروائی کرے گی
کراچی کے رہائشی ڈی پورٹ افراد یا ایئرپورٹ پر روکے گئے مسافر کو حسب سابق انسداد انسانی اسمگلنگ سرکل کے سپرد کیا جائے گا۔