دبئی کی جانب سے دنیا کا بلند ترین رہائشی کلاک ٹاور ’ایٹرنیٹاس ٹاور‘ بنانے کا اعلان سامنے آیا ہے۔
بین الاقوامی خبر رساں ادارے کی رپورٹ کے مطابق اس رہائشی کلاک ٹاور کی لمبائی ساڑھے 4 سو میٹر (1476 فٹ) ہوگی۔
ایٹرنیٹاس ٹاور لندن کے رہائشی کلاک ٹاور ’بگ بین‘ سے چار گنا سے زیادہ لمبا ہوگاجبکہ ایٹرنیٹاس ٹاور نیویارک میں قائم دنیا کی بلند ترین رہائشی عمارت ’سینٹرل پارک ٹاور‘ سے صرف 22 میٹر (72 فٹ) چھوٹا ہوگا۔
ایٹرنیٹاس ٹاور کے اوپر نصب کی گئی گھڑی کو اس عمارت کی بلندی کی وجہ سے 6 کلو میٹر کے فاصلے سے بھی واضح طور پر دیکھ سکیں گے، اس گھڑی کی چوڑائی 30 میٹر جبکہ اونچائی 40 میٹر ہوگی۔
میڈیا رپورٹس میں اس بات کا انکشاف ہوا ہے کہ اگر دنیا کے بلند ترین کلاک ٹاور کی بات کی جائے تو یہ ایٹرنیٹاس کا دوسرا نمبر ہوگا، اس سے قبل دنیا کا بلند ترین کلاک ٹاور سعودی عرب کے شہر مکہ میں ’مکہ رائل ٹاور‘ ہے جس کی بلندی 601 میٹر ہے۔جو خوبصورتی میں اپنی مثال آپ ہے۔
شکاگو میں پارا منفی 30 ڈگری تک گر گیا
اس رہائشی کلاک ٹاور کو تعمیر کرنے والے بین الاقوامی رئیل اسٹیٹ ڈویلپر کی جانب سے بیان سامنے آیا ہے کہ ہم کچھ منفرد کرنا چاہتے تھے جو دبئی میں پہلے کبھی نہیں ہوا ہو۔
