اسلام آباد : الیکشن کمیشن آج انتخابی عمل پر ایم کیو ایم اور جماعت اسلامی سے مشاورت کرے گا، سیاسی جماعتوں کا وفد گیارہ بجے الیکشن کمیشن آفس پہنچے گا۔
تفصیلات کے مطابق الیکشن کمیشن کی عام انتخابات سے متعلق سیاسی جماعتوں سے مشاورت کا سلسلہ جاری ہے، الیکشن کمیشن آج انتخابی عمل پر ایم کیو ایم اور جماعت اسلامی سے مشاورت کرے گا۔
ایم کیو ایم کا وفد ڈاکٹر فاروق ستار کی قیادت میں آج صبح گیارہ بجے الیکشن کمیشن حکام سے ملاقات کرے گا، وفد میں جاوید حنیف ،اظہارالحسن، صادق افتخاراور فرحان چشتی شامل ہوں گے۔
جماعت اسلامی کا وفد امیرالعظیم کی سربراہی میں پانچ اراکین پرمشتمل ہوگا، وفد میں پروفیسر محمد ابراہیم، میاں محمد اسلم ، ڈاکٹر فریداحمد پراچہ اور نصراللہ رندھاوا شامل ہوں گے۔
سیاسی جماعتوں کے وفد سےانتخابات کےشیڈول سے متعلق اور الیکشن کمیشن آئندہ الیکشن کےروڈ میپ مشاورت کی جائے گی
ملاقات میں حلقہ بندیوں، اور انتخابی امور پر گفتگو ہوگی جبکہ صاف ، شفاف الیکشن کا انعقاد سمیت دیگر امور زیر بحث آئیں گے۔
الیکشن کمیشن کل پیپلز پارٹی سے مشاورت کیلئےدعوت نامہ ارسال کر چکا ہے جبکہ اس سے قبل پی ٹی آئی،ن لیگ، جے یو آئی کے وفود پہلے ہی الیکشن کمیشن سے مشاورت کر چکے ہیں۔
