اسلام آباد : نگراں وفاقی وزیراطلاعات مرتضٰی سولنگی نے الیکشن کوریج کیلئے غیرملکی صحافیوں کے نہ آنے کی خبروں کی تردید کرتے ہوئے کہا خبروں میں صداقت نہیں، ملکی اورغیرملکی میڈیا الیکشن کی کوریج کرے گا۔
تفصیلات کے مطابق نگراں وزیراطلاعات مرتضیٰ سولنگی نے دیگر وزرا کے ہمراہ پریس کانفرنس کرتے ہوئے کہ کہ انتخابات کے حوالےسے قیاس آرائیوں سے گریز کیا جائے۔
مرتضیٰ سولنگی نے بتایا کہ افواہیں گرم ہیں الیکشن کوریج کیلئے کوئی غیرملکی صحافی آرہا ہے نا کوئی مبصر توان خبروں میں صداقت نہیں ، پاکستانی اورغیرملکی افرادالیکشن کی کوریج کریں گے، سی این این،بی بی سی اوردیگرممالک سے نمائندےالیکشن سرگرمی کو کور کریں گے۔
نگراں وزیر اطلاعات نے کہا کہ دنیا بھرکے مختلف صحافتی اداروں سے ایک سو چوہتر درخواستیں موصول ہوئی ہیں، انچاس پر ویزا جاری ہوچکا ہے اور بتیس پر کام جاری ہے، صرف برطانیہ سے پچیس مبصرین کی درخواستیں موصول ہوئی ہیں
انھوں نے مزید بتایا کہ دلی ہائی کمشنرکی طرف سے24کےقریب درخواستیں ، رشین فیڈریشن کی جانب سے8جاپان سے 13 درخواستیں پراسس میں ہیں۔
مرتضیٰ سولنگی کا کہنا تھا کہ کینیڈاسے5پارلیمنٹ ارکان نےدرخواستیں دی ہیں، جنوبی افریقہ سے2آبزرویشن کی درخواستیں، کامن ویلتھ کی جانب سے 5 درخواستیں پراسس میں ہیں۔
نگراں وزیر اطلاعات نے کہا کہ پاکستان کے اندر سے کافی صحافیوں کو ایکریڈیشن کارڈ دیے گئےہیں، اجازت نامے کراچی، لاہور اور اسلام آباد کیلئے دیے جا رہے ہیں، الیکشن کمیشن نےانتخابات کی کوریج کیلئے20جنوری ڈیڈ لائن دی تھی۔
ان کا مزید کہنا تھا کہ ریاست کی ذمہ داری ہےاپنےبچوں،شہریوں کی حفاظت کرے،صحافی حضرات کوعلم ہےکہ اپنی سیکیورٹی کاخیال کیسے رکھناہے، جہاں جہاں سیکیورٹی ریکوائرمنٹ ہوگی ہم پوراکریں گے۔
صحافی نے سوال کیا خبریں ہیں کہ الیکشن کےدوران انٹرنیٹ سروس ڈاؤن ہوں گی،جس پر مرتضیٰ سولنگی نے جواب دیتے ہوئے کہا یہ خبر نہیں بلکہ افواہ ہے۔
