اسلام آباد: نیشنل الیکٹرک پاور ریگیولیٹری اتھارٹی (نیپرا) نے بجلی قیمت میں اضافے کرتے ہوئے نوٹیفکیشن جاری کر دیا۔
نیپرا کی جانب سے جاری کردہ نوٹیفکیشن کے مطابق بجلی ایک روپے 71 پیسے فی یونٹ مہنگی کر دی گئی، اضافہ اگست کی ماہانہ فیول ایڈجسٹمنٹ کی مد میں کیا گیا۔
نوٹیفکیشن کے مطابق بجلی کی قیمت میں اضافے کا اطلاق اکتوبر کے بلز میں ہوگا، اطلاق لائف لائن اور کے-الیکٹرک صارفین پر نہیں ہوگا۔
نیپرا نے پیر کے روز سہ ماہی ایڈجسٹمنٹ کے تحت بجلی مہنگی کرنے کا نوٹیفکیشن جاری کیا تھا جس کے مطابق بجلی 3 روپے 28 پیسے فی یونٹ مہنگی کی گئی۔
بجلی کی قیمت میں اضافے کا اطلاق کراچی سمیت ملک بھر کے بجلی صارفین کیلیے کیا گیا جس سے صارفین پر تقریباً 160 ارب روپے کا اضافی بوجھ پڑا۔
نیپرا نے بتایا تھا کہ بجلی صارفین سے چھ ماہ میں اضافی وصولیاں کی جائیں گی جبکہ صارفین سے رواں ماہ سے وصولیاں شروع ہوں گی۔
