کراچی کے علاقے سعود آباد میں مبینہ پولیس مقابلے میں چار ڈاکو مارے گئے ہیں جب کہ پولیس اہلکار سمیت تین افراد زخمی ہوئے ہیں۔
اے آر وائی نیوز کے مطابق کراچی کے علاقے سعود آباد میں مبینہ پولیس مقابلہ ہوا ہے جس میں 4 ڈاکو ہلاک ہوئے ہیں جب کہ فائرنگ کے تبادلے میں پولیس اہلکار حنیف سمیت تین افراد زخمی بھی ہوئے ہیں۔
پولیس کا دعویٰ ہے کہ مرنے والے ڈاکو شہریوں سے دن دھاڑے لوٹ مار کر رہے تھے جب پولیس وہاں پہنچی تو ڈاکوؤں نے فائرنگ کر دی۔ پولیس فائرنگ کے تبادلے کے نتیجے میں چار ڈاکو مارے گئے جب کہ ڈاکوؤں کی فائرنگ سے پولیس اہلکار حنیف اور دو شہری زخمی بھی زخمی ہوگئے۔
پولیس کا کہنا ہے کہ ملزمان سے اسلحہ، موبائل فونز اور دو موٹر سائیکلیں برآمد کی ہیں اور ان کا سابق کرمنل ریکارڈ جمع کیا جا رہا ہے۔
پولیس نے ہلاک ڈاکوؤں کی لاشیں اور زخمی شہریوں کو جناح اسپتال منتقل کر دیا ہے اور ضابطے کی کارروائی شروع کر دی ہے۔
