پی ٹی آئی رہنما فرخ حبیب نے کہا ہے کہ چوروں نے اسمبلی سے یکطرفہ نیب ترامیمی بل پاس کرایا، این آر او ٹو پلس ہوگیا۔
پاکستان تحریک انصاف کے رہنما فرخ حبیب نے قومی اسمبلی سے دوسرا نیب ترمیمی بل منظور کرنے پر سماجی رابطوں کی ویب سائٹ ٹوئٹر پر اپنے ردعمل کا اظہار کیا ہے۔
فرخ حبیب نے اپنے ٹوئٹ میں لکھا ہے کہ چوروں نے اسمبلی سے یکطرفہ نیب ترامیمی بل پاس کرایا ہے یعنی این آر او ٹو پلس ہوگیا۔
پی ٹی آئی رہنما نے مزید لکھا کہ اس ترمیم کے مطابق اب 50 کروڑ کی کرپشن کو کرپشن نہیں سمجھا جائے گا اور نیب تحقیقات نہیں کرسکے گا۔
فرخ حبیب کا کہنا تھا کہ نیب عدالت کے ججز اب صدر کے بجائے حکومت میں موجود چور لگائیں گے یعنی بلی کو دودھ کی رکھوالی پر بٹھا دیا گیا ہے۔
NRO 2 plus ہوگیا چوروں کے ٹولہ نے قومی اسمبلی سے یکطرفہ نیب ترامیمی بل پاس کروایا ہے جس میں 50 کروڑ کی کرپشن کو کرپشن نہیں سمجھا جائے گا اور نیب اسکی تحقیقات نہیں کرسکےگا
نیب عدالت کے ججز صدر مملکت کی بجائے یہ حکومت میں موجود چور لگائے گے۔ بلی کو دودھ کی رکھوالی پر بٹھا دیا ہے— Farrukh Habib (@FarrukhHabibISF) August 3, 2022
واضح رہے کہ آج قومی اسمبلی نے دوسرا نیب ترمیمی بل منظور کرلیا ہے جس میں صدر سے احتساب عدالت کے ججز کی تقرری کا اختیار واپس لے لیا گیا ہے۔
یہ بھی پڑھیں: نیب کو بے اختیار کرنے کی تیاری : دوسرا نیب ترمیمی بل کثرت رائے سے منظور
اس بل کے تحت اب نیب 500 ملین روپے سے کم کرپشن کیسز کی تحقیقات نہیں کر سکے گا جب مزید کئی دیگر ترامیم بھی کی گئیں ہیں جن کی کثرت رائے سے منظوری دی گئی ہے۔