سابق وزیراعظم وپیپلزپارٹی کے بانی ذوالفقار علی بھٹو کی پوتی اور میر مرتضیٰ بھٹو کی بیٹی فاطمہ بھٹو ہاں بیٹے کی پیدائش ہوئی ہے۔
تفصیلات کے مطابق سابق وزیراعظم وپیپلزپارٹی کے بانی ذوالفقار علی بھٹو کی پوتی اور میر مرتضیٰ بھٹو کی بیٹی فاطمہ بھٹو نے سوشل میڈیا ویب سائٹ انسٹا گرام پر بیٹے کی پیدائش کی خوشخبری سنائی۔
فاطمہ بھٹو اور گراہم نے اپنے بیٹے کا نام اپنے والد ’میر مرتضی بھٹو‘ کے نام سے مشابہہ ’میر مرتضیٰ بائرہ‘ رکھا۔
فاطمہ بھٹو نے اپنی طویل پوسٹ میں لکھا کہ ’گراہم اور میں اپنے بچے کی پیدائش کی خبر سُنا کر بہت خوش ہیں، ہم اپنے بیٹے کو ایک ایسا نام دینا چاہتے تھے کہ جب وہ دنیا میں اپنا ایک مقام حاصل کرے تو وہ نام اسے ہمت دے۔
Graham and I are so happy to share the news of the birth of our baby boy. We wanted to give our son a name that would bestow him with courage and kindness as he makes his way through the world. I wanted a name that would act as an inspiration to him in his life but also one that… pic.twitter.com/VJg3yT1oCA
— fatima bhutto (@fbhutto) March 16, 2024
میں ایک ایسا نام چاہتی تھی جو اس کی زندگی میں الہام کا کام کرے، بلکہ ایک ایسا نام جو اسے محبت اور طاقت کا لبادہ اوڑھے، جو میرے بیٹے کی ماں کے دل کے بہت قریب ہو، زندگی بھر اسے آرام دہ اور محفوظ محسوس کروائے۔
جب بھی میں نے سوچا کہ ایسا کیا نام ہو سکتا ہے تو ہمیشہ میں نے اپنے پیارے والد کا نام اپنے ذہن میں پایا۔‘
اپنی پوسٹ کے اختتام میں انہوں نے اپنے چاہنے والوں سے دعاؤں میں یاد رکھنے کی اپیل کی۔
خیال رہے کہ فاطمہ بھٹو گزشتہ برس اپریل میں رشتہ ازدواج میں منسلک ہوئی تھیں۔