راولپنڈی : سابق وزیر فواد چوہدری کی اہلیہ حبا چوہدری نے اعلان کیا ہے کہ فواد چوہدری جیل سے الیکشن لڑیں گے اور ان کی انتخابی مہم میں چلاؤں گی۔
تفصیلات کے مطابق سابق وزیر فواد چوہدری کی اہلیہ حبا چوہدری نے اڈیالہ جیل کے باہر میڈیا سے گفتگو کرتے ہوئے کہا کہ آج الیکشن کمیشن کیس میں 19 دسمبرکی تاریخ دے دی گئی ہے، کوئی رشتے دار فوادچوہدری کے ٹکٹ پر الیکشن نہیں لڑے گا، وہ جہلم سے الیکشن لڑیں گے۔
حبا چوہدری نے اعلان کیا کہ فواد چوہدری جیل سے ہی الیکشن لڑیں گے اور ان کی انتخابی مہم کل سے خود چلاؤں گی۔
- Advertisement -
یاد رہے بانی پی ٹی آئی اور سابق وزیر فواد چوہدری کے خلاف توہین الیکشن کمیشن کیس کی سماعت کے لیے الیکشن کمیشن کی ٹیم اڈیالہ جیل پہنچی تھی جہاں کیس کی سماعت کی گئی تاہم دونوں ملزمان پر کیس میں فرد جرم عائد نہ ہوسکی۔
