اسلام آباد : ڈائریکٹرجنرل ایف آئی اے نے تمام سائبرکرائم یونٹ کو قرضہ دینے والی غیر رجسٹرڈ موبائل ایپلیکیشنز کے خلاف کارروائی کی ہدایت کردی۔
تفصیلات کے مطابق قرضہ دینےوالی غیر رجسٹرڈ اور غیر قانونی موبائل ایپلیکیشنز اور کمپنیوں کے خلاف ایف آئی اے نے سخت ایکشن لیتے ہوئے سائبر کرائم نے74 غیر رجسٹرڈ موبائل ایپلیکیشنز کے خلاف انکوائریز شروع کردی۔
ڈائریکٹرجنرل ایف آئی اے نے تمام سائبرکرائم یونٹ کو قرضہ دینے والی غیر رجسٹرڈ موبائل ایپلیکیشنز کے خلاف کارروائی کی ہدایت کردی۔
ایف آئی اے سائبر کرائم نے پاکستان بھر میں غیرقانونی 3 کمپنیوں کےخلاف مقدمات درج کیے ہیں جبکہ غیر رجسٹرڈ موبائل ایپلیکیشنز چلانےوالے 30 اکاؤنٹ بلاک کرکے 17ملزمان کو گرفتار کرلیا۔
سائبر کرائم نے غیرقانونی سرگرمیوں میں ملوث 5 کمپنیوں کو بھی سیل کردیا گیا جبکہ قرضہ لینے والے متاثرین ایف آئی اےسائبرکرائم سیل سےرابطہ کرسکتے ہیں۔
