کراچی : نامعلوم افراد کی فائرنگ سے سیاسی جماعت کا علاقائی عہدیدار جاں بحق ہوگیا،جائیداد کے تنازعے پر بھائی نے بھائی کو قتل کردیا۔
تفصیلات کے مطابق کراچی کے علاقے کورنگی سوکوارٹر میں موٹر سائیکل سوار تین نامعلوم ملزمان نے فائر نگ کرکے ایک سیاسی جماعت کے علاقائی عہدیدار محمد رشید کو جاں بجق کردیا۔
فائرنگ کی زد میں آکر اس کی بیوی اور بیٹی زخمی ہو گئے، واقعے کے بعد علاقے میں کشیدگی پھیل گئی پولیس حکام کے مطابق واقعے کے وقت علاقے میں بجلی نہیں تھی اور مقتول اپنی بیوی بچوں کے ساتھ گھر کے باہر بیٹھا ہو اتھا۔
دوسری جانب پیر آباد فرنیٹر کالونی میں جیولرزکی دکان میں فائرنگ سے شاہد نامی شخص جاں بجق ہو گیا پولیس کے مطابق مقتول کو اس کے بھائی آدم نے جائیداد کے تنازعہ پر قتل کیا ہے اورملزم کی گرفتاری کی کوشش جاری ہے۔
علاوہ ازیں پاکستا ن رینجر ز نے کورنگی میں ایک ٹارگٹڈ کارروائی کے دوران کا لعد م تحریک طالبان کے 2 دہشت گردوں کو گرفتارکرکے اسلحہ برآمد کر لیا اور ملزمان کو تفش کے لیے نامعلو م مقام پر منتقل کردیا۔
