کراچی : پاک فوج نے کراچی کے علاقے منگھو پیر میں گورنمنٹ کالج برائے خواتین میں مفت میڈیکل کیمپ لگایا، جہاں ضرورت مند افراد کو مفت دوائیاں فراہم کی گئیں۔
تفصیلات کے مطابق پاکستان آرمی کے زیراہتمام منگھو پیرکراچی میں مفت میڈیکل کیمپ کاانعقادکیاگیا،مفت میڈیکل کیمپ گورنمنٹ کالج برائے خواتین میں لگایا۔
میڈیکل کیمپ میں 523خواتین،187مرد،227بچوں سمیت937مریضوں کامفت علاج کیاگیا اور ضرورت مندافرادکومفت دوائیاں بھی فراہم کی گئیں۔
- Advertisement -
مریضوں کے ای سی جی، شوگر،بلڈپریشرسمیت مختلف ٹیسٹ کیے گئے، میڈیکل ٹیم میں میڈیکل آفیسرز،جنرل فیزیشنزکےساتھ ساتھ مختلف اسپیشلسٹس بھی موجود تھے۔
علاقے کے رہائشی میڈیکل کیمپ سے بے حد مستفید ہوئے ، شہریوں نےمیڈیکل کیمپ کے انعقاد پر پاک فوج کا شکریہ ادا کیا۔
