برلن: کئی دنوں کی دشوار مسافت کے بعد تارکین وطن جرمن پہنچ گئے،جرمن عوام نے تارکین وطن کا استقبال کیا۔
مشرقِ وسطیٰ اورافریقہ کےدس ہزارپناہ گزینوں اورتارکینِ وطن پر مشتمل پہلا گروپ مشکل اوردشوار گزارسفرطےکرنےکےبعد ہنگری اور آسٹریا کے راستے جرمنی پہنچا۔
اس پہلے گروپ میں سے چار سوپچاس مہاجرین ٹرین کے ذریعے میونخ پہنچے جہاں جرمن عوام نے ان کا تالیاں بجا کر استقبال کیا۔
جرمنی نے تارکین وطن کوپناہ دینے کا فیصلہ کیا ہے جس سےرواں سال آٹھ لاکھ پناہ گزینوں کی آمد متوقع ہے۔
جرمن چانسلر آنگیلا مرکل نے کہا ہے کہ مہاجرین کی آمد سےعوام پرنہ توٹیکس بڑھائے جائیں گے اورنہ ہی ملک کابجٹ متاثرہوگا۔
