رپورٹر: عدنان راجپوت
کراچی: جناح اسپتال میں لڑکی کی لاش والے واقعے کا مقدمہ درج ہو گیا، پولیس نے عائشہ کے والد کا بیان قلم بند کر لیا۔
تفصیلات کے مطابق جناح اسپتال کراچی میں لڑکی کی لاش چھوڑ کر فرار ہونے والے واقعے میں عائشہ کے والد کی مدعیت میں ڈیفنس تھانے میں مقدمہ درج کر لیا گیا ہے۔
عائشہ کے والد سلطان نے پولیس کو بیان قلم بند کرایا کہ ’’میں پنجاب کا رہائشی اور ہوٹل پر ملازمت کرتا ہوں، میری بیٹی کی 3 سال قبل شادی ہوئی تھی، بیٹی شادی کے بعد گلستان جوہر منتقل ہوئی۔‘‘
انھوں نے اپنے بیان میں مزید کہا کہ ’’مجھے پولیس سے اطلاع ملی کہ میری بیٹی کی لاش ملی ہے، میری بیٹی جبران اور پنکی نامی خاتون کے ساتھ پارٹی میں گئی تھی، جہاں نشہ آور اشیا کے استعمال کی زیادتی کے سبب میری بیٹی کی موت ہوئی۔‘‘
جناح اسپتال میں لڑکی کی لاش چھوڑ کر جانے والا ملزم گرفتار
عائشہ کے والد کا کہنا تھا کہ وہ تھانے میں ملزمان کے خلاف مقدمہ درج کرانے کے لیے آئے ہیں۔ پولیس نے عائشہ کے والد سلطان کی مدعیت میں مقدمہ درج کر لیا۔
