وفاقی حکومت نے نجی تعلیمی اداروں کو ریلیف دینےکا بڑا فیصلہ کرتے ہوئے کم فیس والے نجی اسکولوں کو بلاسود قرضے دینےکا اعلان کر دیا۔
حکومت نے نجی اسکولوں کی رجسٹریشن میں ایک سال کی توسیع اور فیڈرل بورڈ میں داخلہ جات بھجوانےکی آخری تاریخ میں اضافہ کا فیصلہ کیا ہے۔
وفاقی سیکرٹری تعلیم سےنجی تعلیمی اداروں کے وفدنے ملاقات کی جس میں نجی تعلیمی اداروں نے11جنوری کوتعلیمی ادارے کھولنے کا مطالبہ کیا۔
- Advertisement -
وفد کے مطالبے پر حکومت نے ہفتے میں ایک دن بچوں کو نجی اسکولوں میں بلانےکی اجازت دینےکا فیصلہ کیا ہے۔
وفاقی سیکرٹری تعلیم نے بتایا کہ حکومت نجی تعلیمی اداروں کی بہتری کیلئےکوشش کررہی ہے چھوٹےاسکولوں کو بلاسود قرضے دینے کیلئے سمری تیارکرلی، نجی تعلیمی اداروں کوآسان اقساط پر قرضے مل سکیں گے۔