اسلام آباد: وفاقی حکومت نے پنجاب میں گورنر راج کے لیے مشاورت شروع کر دی۔
ذرائع کے مطابق پاکستان مسلم لیگ ن کی لیگل ٹیم نے پارٹی قیادت کو صوبے میں گورنر راج کے لیے آئینی و قانونی حکمت عملی سے آگاہ کر دیا۔
لیگ ٹیم نے کہا کہ گورنر کی جانب سے وزیر اعلیٰ کو ڈی نوٹیفائی کیے جانے کے بعد اگر حکم عدولی ہوئی تو گورنر راج کی راہ ہموار ہو جائے گی۔
وفاقی حکومت نے پنجاب میں گورنر راج لگانے کیلئے مشاورت شروع کردی#ARYNews #Punjab pic.twitter.com/CJSZWzyOGp
— ARY NEWS (@ARYNEWSOFFICIAL) December 21, 2022
مسلم لیگ ن کی لیگل ٹیم کا کہنا تھا کہ موجودہ وزیر اعلیٰ کو ڈی نوٹیفائی کیے جانے کے بعد اگر نئے وزیر اعلیٰ کے انتخاب میں رکاوٹ پیش آئی تو بھی یہ رکاوٹ گورنر راج کا باعث ہوگی۔
رانا ثنا اللہ نے ایک بار پھر پنجاب میں گورنر راج لگانے کی دھمکی دیدی
قانونی ٹیم کا کہنا ہے کہ احکامات نہ ماننے پر گورنر وفاق کو گورنر راج کے لیے لکھ سکتا ہے، اس کے لیے وفاق چاہے تو کابینہ سے منظوری لے یا پارلیمنٹ سے منظوری لے سکتی ہے۔
