قومی ٹیم کے فاسٹ بولر حارث رؤف کلاس فیلو مزنا مسعود ملک کے ساتھ گزشتہ دنوں رشتہ ازدواج میں منسلک ہوئے جس کی ویڈیو اور تصاویر سوشل میڈیا پر وائرل ہوگئی تھیں۔
حارث رؤف کی اہلیہ مزنا مسعود نے ولیمے کے روز پیچ کلر پر سلور کام سے مزین خوبصورت میکسی کا انتخاب کیا دوسری جابب حارث بھی فان کلر کے کوٹ میں ملبوس تھے۔
مزنا مسعود کے ولیمے کے جوڑے سے متعلق برانڈ کا کہنا ہے کہ میکسی کی قیمت 7 لاکھ روپے ہے۔
مزنا مسعود ملک کے لیے تیار کیا گیا جوڑا ابتدا میں سفید رنگ کا تھا جسے شادی کی تقریب کی مناسبت سے اور مزنا کی خواہش کے مطابق تیار کیا گیا۔
واضح رہے کہ گزشتہ روز فاسٹ بولر حارث رؤف نے ولیمے کے بعد ٹوئٹر اور انسٹاگرام اکاؤنٹ پر مزنا کے ہمراہ مہندی، بارات اور ولیمے کی تصاویر شیئر کیں جو سوشل میڈیا پر وائرل ہوگئی تھیں۔
حارث رؤف نے اہلیہ اور اپنے ہاتھ میں مہندی لگی تصویر شیئر کی جو رسم کے دوران لی گئی تھی۔
It’s always been you! ❤️ pic.twitter.com/z5m6v1lrAp
— Haris Rauf (@HarisRauf14) July 9, 2023
حارث نے ایک تصویر بارات کی شیئر کی تھی جس میں انہوں نے سیاہ رنگ کی شیروانی زیب تن کی جبکہ مزنا سرخ رنگ کے عروسی لباس میں ملبوس ہیں۔
کرکٹر کے ولیمے کی تصویر اسٹیڈیم میں لی گئی جس میں مزنا نے میکسی پہنی تھی جو کہ پیازی رنگ کی تھی۔
فاسٹ بولر کی تصاویر پر ساتھی کرکٹرز نے مبارک باد دی اور نیک خواہشات کا اظہار کیا تھا۔
