The news is by your side.

Advertisement

’سنڈریلا کو شہزادہ مل گیا‘

کراچی: اے آر وائی ڈیجیٹل پر بہت جلد ڈرامہ سیریل ’بے رخی‘ آن ایئر ہوگا جس میں اداکارہ حبا بخاری اور جنید خان مرکزی کردار نبھا رہے ہیں۔

ڈرامہ سیریل ’بے رخی‘ کو اس سے قبل ’ہم نہ تھے بے مہر‘ نام دیا گیا تھا لیکن بعدازاں اس کا نام ’بے رخی‘ رکھا گیا، ڈرامہ کی ہدایت کاری کے فرائض محسن مرزا نے انجام دئیے ہیں۔

بے رخی کو تحریر غزالہ نقوی کی ہے، اس سے قبل غزالہ نقوی کئی نامور ڈرامے ’موہے پیا رنگ لاگا‘، ’بدنام‘ بھی تحریر کرچکی ہیں۔

ڈرامہ سیریل بے رخی میں اداکار جنید خان اور حبا بخاری مرکزی کردار ادا کررہے ہیں، دونوں اداکار پہلی بار ایک ساتھ اسکرین پر جلوہ گر ہورہے ہیں۔

ڈرامے کی دیگر کاسٹ میں نازش جہانگیر اور عمیر رفیق بھی نمایاں ہیں۔

بے رخی ابھی شوٹنگ کے مراحل میں داخل ہے اور بہت جلد ناظرین اپنے پسندیدہ اداکار کو اسکرین پر دیکھ سکیں گے۔

ڈرامے کی ویڈیو میں دیکھا جاسکتا ہے کہ حبا بخاری کو بچوں کو ٹیوشن پڑھاتے ہوئے ایک کہانی سنا رہی ہیں۔

بعدازاں حبا بخاری کہہ رہی ہیں کہ یہ کہانی ہے ایک بہت خوبصورت لڑکی کی جس کا نام سنڈریلا تھا، سنڈریلا بہت پیاری اور پیار کرنے والی تھی اور پھر اسے اپنا شہزادہ مل گیا۔

Comments

یہ بھی پڑھیں