پاکستان کے ابھرتے ہوئے باصلاحیت بلے باز محمد حریرہ نے اپنے عزائم کا اظہار کر دیا۔
اے آر وائی نیوز کے نمائندے سے گفتگو کرتے ہوئے انہوں نے کہا کہ کرکٹ میں فٹنس بھی بہت اہمیت رکھتی ہے میں اٹیکنگ کرکٹ کھیلتا ہوں میں ٹیم کےلیےتیار ہوں جب بھی موقع ملے گا پرفارم کروں گا۔
محمد حریرہ نے دورہ سری لنکا کی تیاریوں کے سلسلے میں لگائے گئے کیمپ کو جوائن کرنے پر خوشی کا اظہار کرتے ہوئے کہا کہ اللہ کا شکر ہے کہ مجھے پاکستان کیمپ میں موقع ملا میری کوشش ہوتی ہے کہ کرکٹ پر فوکس کروں نتیجے کے بارے میں زیادہ نہیں سوچتا۔
ان کا کہنا تھا کہ بابراعظم سے کافی بات کی ہے کوشش ہے ان سےسیکھوں۔
پاکستان اور سری لنکا کے درمیان دو ٹیسٹ میچز کی سیریز گال اور کولمبو میں کھیلی جائے گی جبکہ ٹیم دو روزہ وارم اپ میچ بھی کھیلے گی۔
پہلا ٹیسٹ گال انٹرنیشنل اسٹیڈیم میں 16 سے 20 جولائی تک کھیلا جائے گا۔ پاکستانی کرکٹ ٹیم 9 جولائی کو کولمبو پہنچے گی، ٹیسٹ سیریز سے قبل پاکستانی ٹیم 11اور 12 جولائی کو دو روزہ وارم اپ میچ بھی کھیلے گی۔
