کراچی : شہر قائد میں غیرقانونی طور پر رہائش پذیر افغان باشندوں کے خلاف کارروائی کا سلسلہ جاری ہے، اب تک شہر بھر سے 123 افغان شہریوں کو گرفتار کرلیا گیا ہے۔
تفصیلات کے مطابق کراچی میں غیرقانونی طریقے سے آنے والے افغان باشندوں کیخلاف کریک ڈاؤن کرتے ہوئے کراچی پولیس نے گزشتہ 24گھنٹے کےدوران 123افغان باشندوں کو حراست میں لے لیا۔
پولیس حکام کے مطابق کراچی میں کورنگی کے مختلف علاقوں سے 45افغان باشندوں اور ایسٹ پولیس نے18 باشندوں کو گرفتارکرکے ان کیخلاف مقدمات درج کرلیے گئے۔
اس کے علاوہ کراچی ویسٹ کے مختلف علاقوں سے 34 افغان باشندے گرفتار جبکہ سٹی پولیس نے9افغان باشدوں کو گرفتارکرلیا۔
پولیس کے مطابق ملیر میں غیرقانونی طور پر مقیم 14افغان باشندے اور ڈیفنس پولیس نے غیرقانونی مقیم2 افغان باشندے گرفتار کیے، افغان باشندوں میں مشکوک افراد کا کریمنل ریکارڈ بھی حاصل کیا جارہا ہے۔
