پی ٹی آئی چیئرمین عمران خان نے کہا ہے کہ الیکشن کمیشن نے ایک بار پھر ثابت کردیا کہ وہ امپورٹڈ حکوتم اور اس کے حامیوں کی بی ٹیم ہے۔
اے آر وائی نیوز کے مطابق پاکستان تحریک انصاف کے چیئرمین اور سابق وزیراعظم عمران خان نے عدالتی حکم کے باوجود آج اسلام آباد میں بلدیاتی الیکشن نہ کرائے جانے پر سماجی رابطوں کی ویب سائٹ ٹوئٹر پر اپنے ردعمل کا اظہار کیا ہے۔
عمران خان نے اپنے ٹوئٹ میں لکھا ہے کہ وفاقی دارالحکومت میں بلدیاتی انتخابات کرانے کیلیے اسلام آباد ہائیکورٹ کے احکامات پر عمل درآمد نہیں ہوا۔ الیکشن کمیشن نے ایک بار پھر ثابت کردیا یہ امپورٹڈ حکومت اس کے حامیوں کی بی ٹیم ہے۔
یہ بھی پڑھیں: ’آج پاکستان کی تاریخ کا انوکھا واقعہ ہوا‘
پی ٹی آئی چیئرمین نے مزید کہا کہ عوام سے خوفزدہ پی ڈی ایم تمام انتخابات سے بھاگ رہی ہے۔ ووٹ کا حق ایک بنیادی جمہوری اصول ہے اور پی ٹی آئی اس پر کاربند ہے۔
آج اسلام آباد میں بلدیاتی انتخابات کےانعقاد کےحوالے سےاسلام آباد ہائیکورٹ کےحکم پر عمل نہ کر کےECP نےپھرسےثابت کیاہےکہ یہ امپورٹڈحکومت اور اسکے سرپرستوں کی بی-ٹیم ہے۔عوام سےخوفزدہPDM ہر انتخابی میدان سےبھاگ رہی ہے۔ووٹ کاحق بنیادی جمہوری اصول ہےاورPTI پوری دلجمعی سےاس پر قائم ہے
— Imran Khan (@ImranKhanPTI) December 31, 2022
