نئی دہلی: گزشتہ برس بھارت کھلاڑی رشبھ پنت سڑک کنارے حادثے کا شکار ہوگئے تھے تاہم اب بھارت کے ایک اور سابق کرکٹر کی کار حادثے کا شکار ہوگئی۔
بھارت میڈیا رپورٹ کے مطابق سابق فاسٹ بولر پرین کمار کے ساتھ منگل کی رات میرٹھ کے کمشنر کی رہائش گاہ کے قریب ایک تیز رفتار کنٹینر نے ان کی کار کو ٹکر مار دی، اس خوفناک حادثے میں سابق کرکٹر بال بال بچ گئے۔
رپورٹ کے مطابق حادثے کے دوران ان کا بیٹا بھی کار میں سوار تھا لیکن دونوں محفوظ ہیں تاہم ان کی ڈیفینڈر گاڑی کو بہت زیادہ نقصان پہنچا ہے۔
کار ایکسیڈنٹ کے بعد رشبھ پنت نے پہلا پیغام جاری کردیا
بھارتی میڈیا کا کہنا ہے کہ حادثے کے بعد وہاں لوگوں کی بھیڑ جمع ہوگئی اور کنٹینر ڈرائیور کو پکڑ کر پولیس کے حوالے کردیا۔
ایس پی سٹی کا اس حوالے سے کہنا ہے کہ کنینٹر ڈرائیور کو پکڑ لیا گیا ہے اور اچھی بات یہ ہے کہ پروین کمار اور ان کا بیٹا محفوظ ہیں۔
واضح رہے کہ یہ پہلی بار نہیں ہے کہ سابق بھارتی کھلاڑی پروین کمار کسی حادثے کا شکار ہوئے ہوں۔ 2007 میں بھی غیر ملکی دورے سے وطن واپسی پر استقبال کے دوران کھلی جیپ سے گر گئے۔
