ایران نے زیرِزمین ڈرون بیس بنا کر اپنی خفیہ عسکری طاقت سے دشمنوں کے ہوش اڑا دیے۔
خبررساں ادارے کے مطابق ایرانی فوج نے زمین دوز ڈرون بیس قائم کیا ہے جس میں 100 سے زائد ڈرونز موجود ہیں۔ ان ڈرونز پر میزائل بھی نصب ہیں۔
ڈرونز میں امریکی ہیلی کاپٹر ہیلفائر کا ایرانی ورژن بھی ہے جو فضا سے زمین تک مار کرنے کی صلاحیت رکھتا ہے۔
زیرزمین بیس کو خفیہ رکھا گیا ہے ایرانی سرکاری ٹی وی کے نمائندے کا کہنا ہے کہ انہوں نے جمعرات کو کرمنشا سے مغربی ایران کی طرف ہیلی کاپٹر میں 45 منٹ کا سفر کیا اور خفیہ زمین دوز سائٹ پر پہنچنے کے بعد ان کی آنکھوں سے پٹی اتاری گئی۔
بیس کے حوالے سے جو تفصیلات سامنے آئی ہیں ان میں 100 ڈرونز زرگوز کے پہاڑوں میں رکھے گئے ہیں جن میں ابابیل فائیو بھی شامل ہیں۔
سرنگوں میں ڈرونز کی لمنی قطاریں ہیں جن پر میزائل نصب ہیں اس مقام کے بارے میں کہا جاتا ہے کہ وہ کئی سو میٹر زمین کے نیچے ہے۔
