کراچی: معروف پاکستانی اداکار سعود کی اہلیہ جویریہ عباسی نے مداحوں کو وزن کم کرنے کا طریقہ بتادیا۔
تفصیلات کے مطابق معروف اداکارہ و میزبان جویریہ سعود کا وزن بڑھنے کی وجہ سے پریشان تھیں تاہم اب انہوں نے بڑھتے وزن سے چھٹکارا پالیا ہے اور مداحوں کو وزن کم کرنے کا طریقہ بتادیا ہے۔
جویریہ سعود اپنا یو ٹیوب چینل بھی چلارہی ہیں اور چند روز قبل انہوں نے اپنے گھر کے کچن کی ویڈیو شیئر کرکے خواتین کو اس حوالے سے آگاہ کیا تھا۔
انہوں نے اپنی نئی ویڈیو میں وزن کم کرنے کا طریقہ بتایا ہے، جویریہ سعود کا کہنا تھا کہ ہم سب ناشتہ کرنا پسند کرتے ہیں اور ناشتے میں کچھ بھی کھانے کو ترجیح دیتے ہیں لیکن ہمیں اس کو تبدیل کرنا ہوگا۔
جویریہ کا کہنا تھا کہ وزن کم کرکے اب بہت ہی جاذب نظر آتے ہیں اور یہ صحت کے لیے فائدہ مند ہے۔
انہوں نے کہا کہ آج سب سے پہلے ہم بات کریں گے کیلیوریز کی، ایک شخص کو دن بھر میں 1200-1300 کیلوریز ہوتی ہیں لیکن خاتون گھر میں رہنے کی وجہ سے کیلیوریز پر دھیان نہیں دے پاتی ہیں۔
جویریہ سعود نے کہا کہ خواتین کی اس مشکل کا حل نکال لیا گیا ہے اب خواتین کیلوریز گن کر اس پر قابو پاسکتی ہیں، کیلوریز کم کرنے کے ’مائی فٹنس پل‘ سے ایک ایپ لانچ کی گئی ہے۔
اداکارہ کا کہنا تھا کہ آپ گھر میں موجود اجزا کے ذریعہ بھی ڈائٹ فوڈ بناسکتے ہیں، ناشتہ میں انڈے کھاتی ہوں کیونکہ جب میں صبح اٹھتی ہوں تو میرا بلڈ پریشر عام طور پر ڈاؤن رہتا ہے۔
جویریہ کے مطابق میں سالن کے ساتھ ابلے ہوئے انڈے بناؤں گی، اجزا جو میں استعمال کرتا ہوں وہ ہیں دو ابلے ہوئے انڈے، ٹماٹر، پیاز، دھنیا، لہسن، سرخ مرچ، اور نمک، آپ اپنی پسند کے مطابق تیل یا دیسی گھی استعمال کرسکتے ہیں، گھر پر دیسی گھی تیاری کریں کیونکہ اس میں پوری توانائی ہے۔
انہوں نے کہا کہ اس کھانے کی کل کیلوری 148 ہیں، دیسی گھی کو کڑاہی میں ڈالیں، لہسن، ٹماٹر، پیاز، سرخ مرچ اور نمک شامل کریں، مرچ کی چٹنی، ہری مرچ اور دھنیا ڈال دیں، سالن میں انڈے ڈالیں اور ناشتہ تیار ہے۔
جویریہ سعود نے کہا کہ ناشتے میں فریش جوس کا بھی استعمال کرسکتے ہیں، ایپل کا جوس دودھ میں مبلا کر بنالیں تو یہ بھی کیلوریز کے لیے بہت فائدہ مند ہے۔
