کراچی : سرجانی ٹاون میں بجلی کا کنڈا لگانے پر جھگڑا کے دوران فائرنگ سے جماعت اسلامی کے کونسلر محمد حبیب جاں بحق ہوگئے۔
تفصیلات کے مطابق کراچی کے سرجانی ٹاون میں بجلی کے کنڈے پرتنازع پر دو گروپوں میں جھگڑا ہوا، بیچ بچاؤ کے لیے پہنچنے والے پہنچنے والے جماعت اسلامی کے کونسلر فائرنگ سے جاں بحق ہوگئے۔
پولیس کا کہنا تھا کہ سرجانی ٹاؤن سیکٹر فور سی کے علاقے میں بجلی چوری کرنے والوں کےخلاف میٹنگ رکھی گئی تھی، جس میں متعلقہ افراد کو بھی بلایا گیا تھا، اس ہی دوران مخالف پارٹی کے افراد نے موٹر سائیکل پر آ کر فائرنگ کر دی، جس سے محمد حبیب جاں بحق اور تین افراد زخمی ہوئے۔
پولیس نے بتایا کہ مقتول محمدحبیب کا تعلق جماعت اسلامی سے تھا، علاقے میں بجلی کاکنڈالگانے پرجھگڑاہوا تو معاملے ختم کروانے کے دوران حبیب پر فائرنگ کی گئی، فائرنگ کے واقعے میں 2 افراد زخمی بھی ہوئے۔
زخمیوں میں سیدعدنان ،مزمل،محمد بابو شامل ہیں، زخمیوں میں ایک شخص گولی لگنےسے2پستول کے بٹ لگنےسےزخمی ہوئے تاہم ملزمان کے حوالے سے عینی شاہدین کے بیانات لئے جا رہے ہے۔
مقتول حبیب کا پوسٹمارٹم عباسی شہید اسپتال میں کیا جا رہا ہے ، ایم ایل او عباسی شہید اسپتال کے مطابق مقتول حبیب کو سینے پر ایک گولی لگی اور سینے پر لگنے والی گولی جان لیوا ثابت ہوئی۔
پولیس کا کہنا تھا کہ مقتول کی لاش پوسٹمارٹم کے بعد ورثا کے حوالے کی جائے گی اور فائرنگ میں ملوث ملزم کی تلاش جاری ہے ۔
