کراچی : صدر کی موبائل مارکیٹ میں انوکھی چوری کی واردات ہوئی ، چور نے چوری شدہ موبائل چور نے اپنے جسم کے ساتھ ٹیپ سے چپکالئے۔
تفصیلات کے مطابق کراچی کے علاقے صدر کی موبائل مارکیٹ میں انوکھی چوری کی واردارت ہوئی ، چور دس گھنٹے موبائل مارکیٹ میں چھپا رہا اور دکان کے تالے کاٹ کر موبائل چوری کیے۔
پولیس نے بتایا کہ چوری شدہ موبائل چور نے اپنے جسم کے ساتھ ٹیپ سے چپکا لئے اور صبح مارکیٹ کھلنے کے بعد باہر نکلنے لگا تو چوکیدار کو شک ہوگیا، چور کی تلاشی کے دوران اس کے جسم سے اٹھارہ موبائل برآمد کرلئے گئے۔
- Advertisement -
ملزم لیاقت کے خلاف پریڈی تھانے میں مقدمہ درج کرلیا گیا ،پولیس کا کہنا ہے کہ ملزم نے تین روز قبل اسی مارکیٹ سے آئی فون چوری کیا تھا۔
دکانداروں نے پکڑ کر پولیس کے حوالے کیا تھا ،ملزم تیسری دن ہی ضمانت پر آکر پھر چوری کرنے آگیا۔
