کراچی میں ایم اے جناح روڈ کی رہائشی عمارت سے خاتون کی لاش برآمد ہوئی ہے جبکہ بیٹی کو نیم بے ہوشی کی حالت میں جناح اسپتال منتقل کردیا گیا۔
پولیس کے مطابق ماں بیٹی جناح اپارٹمنٹ کی ساتویں منزل میں رہتے تھے، متوفیہ خاتون کا شناخت نرگس کے نام سے ہوئی، جو اپنی بیٹی کے ساتھ اٹھ سال سے فلیٹ میں رہ رہی تھی۔
علاقہ مکینوں کے مطابق بچی کا ذہنی توازن درست نہیں ہے، خاتون چند روز قبل انتقال کر گئی لیکن اس کی بیٹی کسی کو نہ بتا سکی، فلیٹ سے تعفن اٹھنے پر علاقہ مکین جب داخل ہوئے تو اس کی موت کا علم ہوا۔
- Advertisement -
پولیس کے مطابق خاتون کے فلیٹ میں کباڑ اور کچرا بھرا ہوا ہے، خاتون کی موت طبی معلوم ہوتی ہے، جس کی لاش کو پوسٹ مارٹم کے لیے جناح اسپتال منتقل کر دیا گیا ہے۔
