site
stats
سندھ

امریکی قونصل جنرل کی جانب سے کراچی پریس کلب کو تین کمپیوٹرز کا عطیہ

کراچی : امریکی قونصل جنرل برائن ہیتھ نے کراچی پریس کلب کو تین کمپیوٹرز کا تحفہ دیا ہے۔

تفصیلات کے مطابق امریکی قونصل جنرل برائن ہیتھ نے کراچی پریس کلب کا دورہ کیا، اس موقع پر سیکریٹری پریس کلب اے ایچ خانزادہ ، صدر فاضل جمیلی اور گورننگ کے ممبران نے ان کا پرتپاک استقبال کیا۔

امریکی قونصل جنرل نے کراچی پریس کلب کو تین کمپیوٹرز پرنٹرز اور سوفٹ ویئر کا عطیہ دیا، اراکین پریس کلب سے ملاقات کے بعد میڈیا سے بات چیت کرتے ہوئے برائن ہیتھ نے کہا کہ پاکستان میں دہشت گردی کی روک تھام میں امریکہ ہر ممکن تعاون کررہا ہے اور ریاست پاکستان کے ساتھ مل اقدامات کررہے ہیں۔

انہوں نے کہا کہ سانحہ پشاور ایک افسوس ناک واقعہ تھا جس کو بھلایا نہیں جاسکتا ،پاکستان میں صحافیوں کو بے شمار مشکلات اور خطرات کا سامنا ہے ، پریس کلب آنے کا مقصد بھی صحافیوں کو خراج تحسین پیش کرنا ہے۔

امریکی قونصل جنرل نے کہا کہ پاکستان میں صحافیوں کی پیشہ وارانہ تربیت کے لئے مختلف پروگرام متعارف کروائے ہیں اس حوالے سے امریکی محکمہ خارجہ نے 4 ملین ڈالر کی مالی معاونت فراہم کی ہے

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top