حیدرآباد: آندھرا پریش کے وزیر اعلیٰ کا پتلا جلانے کی کوشش کرنے والے ’جنا سینا‘ پارٹی کے رہنما کے گالوں پر لیڈی پولیس نے تھپڑوں کی برسات کردی، واقعے کی ویڈیو سوشل میڈیا پر وائرل ہوگئی۔
غیرملکی میڈیا رپورٹس کے مطابق آندھراپردیش کے وزیراعلیٰ جگن موہن ریڈی نے جنا سینا کے سربراہ پون کلیان کےخلاف کچھ ریمارس دیے تھے، جس پر پارٹی کے رہنما اور کارکن مشتعل ہو کر احتجاج کررہے تھے۔
دوران احتجاج جنا سینا کے لیڈروں نے چیف منسٹر کا پتلا جلانے کی کوشش کی، ڈیوٹی پر مامور خاتون انسپکٹر نے انہیں ایسا کرنے سے منع کیا اور چلے جانے کا کہا۔
رہنمائوں کے وہاں سے نہ جانے پر خاتون انسپکٹر وہاں پہنچ گئیں اور جنا سینا کے ایک رہنما کے گالوں پر طمانچوں کی بارش کردی، جس کی ویڈیو سوشل میدیا پر وائرل ہوگئی۔
శ్రీకాళహస్తిలో జనసేన కార్యకర్త చెంప దెబ్బ కొట్టిన సీఐ అంజు యాదవ్.#Jansena #Srikalahasthi pic.twitter.com/gThhAQeCQq
— Telugu Scribe (@TeluguScribe) July 12, 2023
واضح رہے کہ جناسینا کے کارکنوں کے احتجاج کے باعث سری کلاہستی کے علاقے میں کشیدگی پیدا ہوگئی تھی اور پارٹی کے رہنمائوں کو پولیس نے گھروں میں نظر بند کردیا تھا، مگر اس کے باجود کارکنان سڑکوں پر آگئے تھے۔