فیصل آباد: محکمہ تعلیم پنجاب نے اسکولوں کے لیے نیا ہدایت نامہ جاری کردیا جس میں چالیس منٹ تاخیر سے آنے والا ٹیچر غیر حاضر تصور ہوگا۔
تفصیلات کےمطابق محکمہ تعیم پنجاب نےسرکاری اسکولز کی مانیٹرنگ کرنے والے اہلکاروں کےلیے نیاہدایت نامہ جاری کردیا جس میں مانیٹرنگ ایویلیوایشن اسسٹنٹس اسکول ٹائمنگ کے دوران پہلے تیس منٹ میں اور آخری تیس منٹ میں سکول وزٹ نہیں کریں گے۔
پنجاب حکومت نے نئے ایس او پیز جاری کر دیے جبکہ ایس ڈی او ایجوکیشن کو تمام اسکولز کی ٹائمنگ ڈسٹرکٹ مانیٹرنگ آفس فراہم کرنے کی ہدایت کردی گئی ہے۔
مانیٹرنگ اسسٹنٹ کو دوران اسکول دورہ اساتذہ اور ٹیچر حاضری بھی چیک کرنے،اسکول کونسل رجسٹر، نان سیلری بجٹ اور فروغ تعلیم فنڈ سمیت دیگر ریکارڈ کا جائزہ لینے کی بھی ہدایت کی گئی ہے۔
نئے ایس او پیز کے مطابق مانیٹرنگ اہلکار فری کتابوں کی تقسیم کا بھی جائزہ لیں گے اور بغیر یونیفارم بچوں کی نشاندہی کرنے کا بھی حکم دیا گیا ہے۔
واضح رہے کہ مانیٹرنگ اسسٹنٹس کو وزٹ فارم کی تصویر بنا کر انٹرنیٹ پر اپ لوڈ کرنے کی بھی ہدایت کی گئی ہے۔
