اسلام آباد : آئی ایم ایف قرض پروگرام پر مزید بات چیت نئی منتخب حکومت سے کرے گی، آئی ایم ایف دوسرا جائزہ مشن الیکشن کے بعد پاکستان بھیجے گا۔
تفصیلات کے مطابق آئی ایم ایف نئی منتخب حکومت سےمذاکرات کرے گا، ذرائع نے بتایا کہ موجود قرض پروگرام پر مزید بات چیت نئی منتخب حکومت سےہوگی۔
ذرائع کا کہنا ہے کہ آئی ایم ایف اپنا دوسرا جائزہ مشن8 فروری کے الیکشن کے بعد پاکستان بھیجے گا۔
پاکستان میں نئی حکومت فروری کے آخر تک حکومتی کنٹرول لے لے گی تاہم آئی ایم ایف نے دوسرے جائزے کیلئے شیڈول کی تصدیق نہیں کی۔
آئی ایم ایف 3 ارب ڈالر پروگرام میں پاکستان کو 1.9 ارب ڈالر قرض دے چکا ہے ، جولائی میں آئی ایم ایف نے کہا تھا آخری جائزہ رپورٹ نئی حکومت کیساتھ ہو گی۔
موجودہ آئی ایم ایف اسٹینڈ بائی پروگرام 12 اپریل کو ختم ہو رہا ہے، مارچ تک دوسرا جائزہ مکمل ہو جاتا ہے تو1.1 ارب ڈالر اپریل تک ملنے کی امید ہے۔
