کراچی : گلستان جوہر میں کار سوار خاتون رکشے کو ٹکر مار کر شارع فیصل تھانے سے بھاگ نکلی ، حادثے میں آٹھ سالہ بچی جاں بحق جبکہ اُس کی والدہ اور رکشہ ڈرائیور زخمی ہوا۔
تفصیلات کے مطابق کراچی کے علاقے گلستان جوہر پر فیوم چوک کے قریب کار سوار خاتون نے رکشے کو ٹکر مار دی ، حادثے میں رکشے میں سوار بچی جاں بحق اور ماں زخمی ہوئی۔
ریسکیو ذرائع نے بتایا کہ حادثےمیں رکشہ ڈرائیوربھی زخمی ہوا، جاں بحق بچی کی شناخت 8 سالہ عائشہ کےنام سےہوئی ، ملیر کی رہائشی 8 سالہ عائشہ والدہ کے ساتھ دوا لینے گلستان جوہر آئی تھی۔
- Advertisement -
پولیس نے بتایا کہ کار سوار خاتون تھانہ شارع فیصل سے فرارہوگئی ، خاتون کی گاڑی پر لگا نمبر بھی دوسری گاڑی کاہے، خاتون کی گاڑی پردرج نمبردوسرےبرینڈکی گاڑی کا ہے۔
